لە (12) ی ئادار , یادی ئازادیی دەڤەری قەرەچووغ:
بەرز و پیرۆز بێت هەشتەمین ساڵیادی دامەزراندنی  
سەنتەری رۆشنبیریی و هونەریی قەرەچووغ
ــ جەماوەری خۆراگر و ئازادیخوازی كوردستان  ...
ــ رۆشنبیر و هونەرمەندانی دەڤەری قەرەچووغ ...
           ئەمرۆ (12) ی ئادار , (20 ) ساڵی تەواو  بەسەر یادەكانی ڕاپەرین و (20) رۆژەی ئازادیی مەخموور و قەراج و كەندێناوە تێدەپەڕێت , كە هاوكاتە, لەگەڵ هەشتەمین  ساڵیادی  دامەزراندنی سەنتەرەكەمان (سەنتەری رۆشنبیریی و هونەریی قەرەچووغ) , بەم بۆنەوە جوانترین پیرۆزبایی ئاراستەی تەواوی خەڵكی كوردستان بەگشتیی و جەماوەر و توێژی رۆشنبیر و هونەرمەندانی مەخموور و دەوروبەری بە تایبەتی  دەكەین, هیوادارین بزاڤی رۆشنبیریی و هونەریی لەسایەی ئازادیی یەكجارەكی ئێستاماندا پتر گەشاوە و پڕبەرهەم تربێت و,ببێتە هاندەرێكی مەزن بۆ پترپێشكەوتنی كۆمەڵگای كوردیمان لە كوردستاندا , دیارە (سەنتەری رۆشنبیریی و هونەریی قەرەچووغ) كەدامەزراندنی خۆی ئاوێتەی یادەكانی راپەڕین كردووە ,  بۆ ئەوە بوو ,  وزەو تواناكان لەپێناو بوژاندنەوە و بەرەو پێشبردنی بزاڤی رۆشنبیریی و هونەری هاوچەرخ و رەسەن لەناوچەكە و كوردستاندا پەرەپێبدات .

هه‌فته‌ی فیلمی كوردی كه‌ له‌ رۆژی پێنجشه‌ممه‌ی رابردوو له‌ قه‌زای مه‌خموور ده‌ستی پێكردووه‌ تاكو سبه‌ینێ به‌رده‌وام ده‌بێت.
هه‌فته‌ی فیلمی كوردی به‌ یه‌كێك له‌و پرۆگرامه‌ هونه‌رییانه‌ دێته‌ هه‌ژمار كه‌ له‌ رێگای به‌رِێوه‌به‌رایه‌تی گشتی سینه‌ما له‌ ناوچه‌ جیاوازه‌كانی كوردستان به‌رِێوه‌ ده‌چێت و له‌ یه‌كه‌م هه‌نگاو له‌ قه‌زای مه‌خموور ده‌ستی پێكردووه‌.

سه‌نته‌ری رۆشنبیری‌و هونه‌ری قه‌ره‌چووغ یه‌كێكه‌ له‌ سه‌نته‌ره‌ چالاكه‌كانی مه‌خموور، كه‌ ماوه‌ی زیاتر له‌ حه‌وت ساڵه‌ له‌بواری رۆشنبیری‌و هونه‌ری خزمه‌ت به‌ده‌ڤه‌ری مه‌خموورو ده‌وروبه‌ری ده‌كات، به‌ڵام به‌هۆی ده‌ستێوه‌ردانی حیزبییه‌وه‌ هه‌ڵبژاردنی ده‌سته‌ی كارگێری سه‌نته‌ری قه‌ره‌چووغ له‌ 31/5/2010 دواده‌خرێت.

ئاگادارییه‌ك له‌ ده‌سته‌ی كارگێڕی (سه‌نته‌ری رۆشنبیری و هونه‌ری قه‌ره‌چووغ) ـه‌وه‌
بۆسه‌رجه‌م ئه‌ندامانی ده‌سته‌ی گشتیی:
ئاگاداری سه‌رجه‌م ئه‌ندامانی ده‌سته‌ی گشتیی سه‌نته‌ره‌كه‌مان (سه‌نته‌ری رۆشنبیری و هونه‌ری قه‌ره‌چووغ) ده‌كه‌ینه‌وه‌ كه‌وا رۆژی چوارشه‌ممه‌ رێكه‌وتی 23 / 6 / 2010 كاتژمێر ( 30/10) ی به‌یانی له‌هۆڵی (كتێبخانه‌ی گشتیی مه‌خموور) ئاماده‌بن بۆئه‌نجامدانی پرۆسه‌ی هه‌ڵبژاردنی ده‌سته‌ی كارگێڕی نوێی سه‌نته‌ر،ئه‌و ئه‌ندامه‌ی كه‌ له‌ پرۆسه‌ی هه‌ڵبژاردندا مافی ده‌نگدانی هه‌یه‌، له‌ رۆژ و كات و شوێنی دیاریكراو ئاماده‌ نه‌بێت،ئه‌وا داوای هیچ مافێكی یاسایی نامێنێت ،تكایه‌ بۆ ئاگاداریی هه‌موولایه‌ك.
سه‌ركه‌وتووبن ... له‌گه‌ڵ ریزماندا.

ده‌سته‌ی كارگێڕی
سه‌نته‌ری رۆشنبیری و هونه‌ری قه‌ره‌چووغ
10 / 6 / 2010

سنووربه‌زاندن و تۆپبارانكردنی ناوچه‌سنوورییه‌كانی هه‌رێمی كوردستان

له‌لایه‌ن سوپای ئێران و فڕۆكه‌جه‌نگییه‌كانی توركیا به‌توندی ریسوا و ئیدانه‌ده‌كه‌ین                                      
- جه‌ماوه‌ری خۆڕاگر و وڵاتپارێزی كوردستان                      
- توێژی رۆشنبیر و هونه‌رمه‌ندانی كوردستان
ماوه‌ی مانگێكه‌ سنووره‌كانی هه‌رێمی كوردستان هاوكات له‌لایه‌ن سوپای ئێران و تۆپباران و بۆردومانی فڕۆكه‌جه‌نگییه‌كانی توركیا به‌تۆمه‌تی ناڕه‌وا درێژه‌ی هه‌یه‌،له‌ئه‌نجامدا بۆته‌ هۆی شه‌هیدبوون و برینداربوونی ده‌یان هاوڵاتی سڤیل و نانه‌وه‌ی پشێوی كه‌بۆته‌ مایه‌ی نیگه‌رانی بۆسه‌رجه‌م داهاتووی ژیانی هه‌رێم و زیانگه‌یاندن به‌دانیشتوانی ناوچه‌ سنوورییه‌كان و شێواندن و پیسكردنی ژینگه‌ و سوتاندنی سروشتی كوردستان.

 كتێبی (حەیران و چەند بۆچوونێكی تر) یەكەمین چاپكراوی نووسەر ( جەمیل سنجاوی )یە ولێكۆڵینەوەیكی فۆلكلۆریی تایبەت بەهونەری حەیرانە، زنجیرە چاپی ژمارە (3)ی بڵاوكراوەكانی (سەنتەری رۆشنبیری و هونەری قەرەچووغ) ەو  لەبەڕێوەبەرایەتی گشتیی كتێبخانە گشتییەكان ژمارەی سپاردنی(148)ی ساڵی (2010) ی پێدراوە،, ئەم كتێبە لە (96 ) لاپەڕەی قەبارە مامناوەندی چاپكراوە و لەم رۆژانە كەوتە بەردیدی خوێنەران,ئێمە وێڕای دەستخۆشیمان لە برای لێكۆڵەر هیوای هەمیشە سەركەوتنی بۆ دەخوازین.

(ته‌مبۆلىَ) تازه‌ترین كلیپى هونه‌رمه‌ند (سلێمان قه‌ره‌چووغى) یه‌ و له‌چه‌ند رۆژى رابردوو له‌قۆناغى مۆنتاژكردن ته‌واوبوو،له‌و ماوه‌یه‌ش له‌ تیڤییه‌كان په‌خش ده‌كرێت،له‌ لێدوانێكى تایبه‌ت سلێمان قه‌ره‌چووغى گوتى: گۆرانى ته‌مبۆلىَ له‌ئاواز و هۆنراوه‌ى فۆلكلۆره‌ و هونه‌رمه‌ند (موحسین عوسمان) ئاماده‌كردنى میوزیكى بۆ كردووه‌ و ئه‌ندامانى (تیپى مۆسیقاى شه‌هید كاوه‌) ش مۆسیقاكه‌یان بۆ ژه‌نیوه‌،له‌رووى ستۆدیۆى ده‌نگیش (سالم سه‌باح) ى هونه‌رمه‌ند كارى تۆماركردنی ئه‌نجام داوه‌،له‌باره‌ى به‌رهه‌مهێنانى كلیپه‌كه‌ش(قه‌ره‌چووغى) رایگه‌یاند " له‌ئه‌نجامدانى ئه‌م كلیپه‌م گرووپگه‌لێك به‌شدار و هاوكارم بوونه‌ له‌وانه‌ (گرووپى هه‌ڵپه‌رِكێى سه‌نته‌رى مه‌م و زین و گرووپى خه‌نده‌ى شه‌و له‌مه‌خموور و تیپى مۆسیقاى شه‌هید كاوه‌) ،ئه‌م هونه‌رمه‌ندانه‌ش كاره‌ هونه‌رییه‌كانیان له‌ئه‌ستۆ گرتووه‌ : وێنه‌گرتن و ده‌رهێنان / سه‌باح ماستاوه‌یى ،ى.وێنه‌گرتن /یاسین وه‌لى ساڵه‌یى،مۆنتاژ/سامى كه‌مال،هه‌روه‌ها (قه‌ره‌چووغى) گوتى: سوپاسى به‌رِێزان (مه‌لا ره‌سول بندیان وخاڵه‌خدر خاوه‌نى به‌رگدرووى هه‌ڵوێست و ریكخراوه‌ دیموكراتییه‌كان له‌مه‌خموور) ده‌كه‌م كه‌ له‌ئه‌نجامدانى كلیپه‌كه‌م هاوكارم بوونه‌.

شایانى باسه‌ ئه‌م كلیپه‌ له‌به‌رهه‌مهێنانى (سه‌نته‌رى رۆشنبیرى مه‌خموور) ـه‌.

 له‌درێژه‌ى كار و چالاكییه‌كانیدا كه‌ له‌ماوه‌ى شه‌ش ساڵى رابردوو له‌ده‌ڤه‌رى مه‌خموور ئه‌نجامى ده‌دات (سه‌نته‌رى رۆشنبیرى و هونه‌رى قه‌ره‌چووغ) له‌ماوه‌ى داهاتوودا وه‌رزى چاپكردنى كتێب بۆ شه‌ش نووسه‌ر و هۆزانڤانى مه‌خموور به‌رێوه‌ده‌بات،له‌لێدوانێكى تایبه‌ت به‌(ماڵپه‌رِى سونته‌ر) (م.یوسف خالید) ئه‌ندامى ده‌سته‌ى كارگێریى سه‌نته‌ر گوتى "له‌ماوه‌ى چه‌ند ساڵى رابردوو سه‌نته‌ر كۆمه‌ڵێك كار و چالاكى هه‌مه‌جۆرى ئه‌نجام داوه‌،له‌دوایین كۆبوونه‌وه‌ى ده‌سته‌ى كارگێرِیى برِیارمانداوه‌ تا كۆتایى ئه‌مساڵ پرِۆژه‌ى چاپكردنى (6) كتێب بۆ نووسه‌ران و هۆزانڤانانى ده‌ڤه‌ره‌كه‌ جێبه‌جىَ بكه‌ین،به‌م زووانه‌ش كتێبه‌كان نه‌خشه‌سازیى بۆ ده‌كرىَ و چاپ ده‌كرێن،ئه‌مه‌ش بۆ ده‌ستگرتن و هاوكاریكردنى نووسه‌ران و شاعیرانى ده‌ڤه‌ره‌كه‌یه‌ كه‌ تا ئێستا زه‌مینه‌یان بۆ نه‌رِه‌خسێندراوه‌ بۆ ئه‌وه‌ى به‌رهه‌مه‌كانیان به‌چاپ بگه‌ینن ".

دواى كردنه‌وه‌ى نوسینگه‌ى مه‌خموورى (رێكخراوى هونه‌رمه‌ندانى كوردستانKAO) ،ده‌سته‌ى كارگێرِى نوسینگه‌ له‌دووه‌مین كۆبوونه‌وه‌ى ئاسایى مانگانه‌ى خۆى برِیارى دا پێگه‌ى خۆى له‌سه‌ر تۆرِى ئینته‌رنێت بكاته‌وه‌،بۆ ئه‌م مه‌به‌سته‌ش توانیمان سوود له‌خزمه‌تگوزاییه‌كانى (Kurdblogger) وه‌ربگرین بۆ دانانى پێگه‌كه‌مان لێره‌وه‌ سوپاسى بىَ پایانمان بۆیان هه‌یه‌ كه‌ رۆڵێكى زۆر باش وكاریگه‌ریان هه‌یه‌ له‌خزمه‌تكردنى نه‌ته‌وه‌كه‌مان له‌بوارى خزمه‌تگوزاریى ئینته‌رنێتدا،هه‌ر به‌م بۆنه‌وه‌ داوا له‌نووسه‌ر و رۆشنبیران ده‌كه‌ین كه‌وا پێگه‌كه‌مان به‌نووسین و هه‌واڵ و به‌رهه‌مه‌كانیان ده‌وڵه‌مه‌ند بكه‌ن،بۆ ناردنى وتار و بابه‌ته‌كانتان تكایه‌ له‌رێگه‌ى ئه‌م ئیمێله‌وه‌ په‌یوه‌ندیمان له‌گه‌ڵ بگرن:

kaomexmur@yahoo.com

دیاره‌ ئاشكرایه‌ به‌ درێژایى مێژوو كوردستان به‌سه‌ر چوار ولاَتى داگیركار دابه‌شكراوه‌ ,كه‌ سىَ نه‌ته‌وه‌ى سه‌رده‌ست (عه‌ره‌ب ,تورك , فارس ) ده‌سه‌لاَتى كوردستانیان به‌ده‌ست بووه‌ ,كه‌ هه‌میشه‌ سیاسه‌تى له‌ناوبردن و قرِكردنیان له‌ به‌رامبه‌ر نه‌ته‌وه‌ى كورد ڵیاده‌كردووه‌ , سه‌ره‌رِاى داگیركردنى خاك و ڵه‌یرِه‌وكردنى سیاسه‌تى چه‌وساندنه‌وه‌ى كورد ڵه‌لامارى كلتووره‌كه‌شى داوه‌ , به‌تایبه‌تى هونه‌رى گۆرانى فۆلكلۆرى كوردى به‌هه‌موو شێوازێك له‌هه‌وڵى ئه‌نفالكردنى فۆلكلۆره‌كه‌ى بوونه‌ .

سه‌نته‌رى هاورِێى منداڵ له‌ مه‌خموور

رىَ و ره‌سمى كۆتایى خوله‌كانى به‌رِێوه‌برد

رۆژى چوارشه‌ممه‌ 17 / 9 / 2009 ، سه‌نته‌رى هاورِێى منداڵ له‌مه‌خموور، به‌بۆنه‌ى كۆتایى هاتنى خوله‌كانى (مۆسیقا و نیگاركێشان و كۆمپیوته‌ر ) رىَ و ره‌سمێكى شایسته‌ى له‌هۆڵى سه‌نته‌ر بۆ مندالاَنى به‌شداربووانى خوله‌كان به‌رِێوه‌برد

بانگه‌واز:
بۆ ئه‌و هاوڵاتیانه‌ی كه‌ ناویان له‌خواره‌وه‌ دا هاتووه‌ و معامه‌له‌ی ماده‌ی 140ی ده‌ستوری هه‌میشه‌یی عیَراقی فیدرال ده‌یانگریَته‌وه‌ له‌ سنووری نووسینگه‌ی مه‌خموور باسه‌ردانی لیژنه‌ی دارایی سه‌ربه‌ لیژنه‌ی ماده‌ی 140 له‌ وه‌زاره‌تى كاروبارى ناوچه‌كانى ده‌ره‌وه‌ى هه‌ریَم بكه‌ن بۆ وه‌رگرتنی چه‌كه‌كانیان و هه‌مووپیَداویستییه‌كانیش له‌گه‌لڕ خۆیان بهیَنن وه‌ك:
1-چوار(4) وینه‌ى ره‌نگاوره‌نگ
2-جنسیه‌ى عیراقى
3-هویه‌ى احوال مه‌ده‌نى
4-پسوله‌ى خوراك
تیَبینى:_

لێره‌وه‌ كلیك بكه‌ و سه‌رجه‌م ژماره‌كانى رۆژنامه‌ى ده‌نگى مه‌خموور بخوێنه‌وه‌ ...http://www.yndk.com/dengi%20mexmur.htm

سلێمان قه‌ره‌چووغى

كلیپى حه‌یران و گۆرانییه‌كانى بلاَوكرده‌وه‌