به‌ مه‌به‌ستی به‌سه‌ركردنه‌وه‌و له‌نزیكه‌وه‌ ئاگاداربوون له‌ ره‌وشی په‌روه‌رده‌ و خوێندنى ده‌ڤه‌رى مه‌خموور شاندێكی په‌رله‌مانتارانی كوردستان كه‌ له‌ په‌رله‌مانتاران (غەفوورمەخمووری و باپیركامه‌لا و دكتۆره‌ شوكریه‌ ره‌سوول) پێكهاتبوون سه‌ردانی په‌روه‌رده‌ی مه‌خموور و چه‌ند قوتابخانه‌یه‌كیان له‌ ناحیه‌ی دیبه‌گه‌ و گوندی كه‌نداڵ و ناحیه‌ی گوێرِ و ناوشاری مه‌خموور كرد .

له‌میانى سه‌ردانه‌كه‌یاندا شانده‌كه‌ له‌گه‌ڵ به‌رِێوه بەر‌ی په‌ره‌وه‌رده‌ی مه‌خموور و به‌رِێوه‌به‌ر و مامۆستایانی قوتابخانه‌كان كۆبوونه‌وه‌ و گوێیان له‌ راو سه‌رنج و راسپارده‌كانیان گرت، پاشان له‌گه‌ڵ قوتابیانی چه‌ند قوتابخانه‌یه‌ك قسه‌یان كرد و گوێیان له‌ گرفته‌كانیان گرتن هاوكات به‌ڵێنیان دا گرفت و كێشه‌كان بگه‌یه‌ننه‌ لایه‌نه‌ په‌یوه‌ندیداره‌كان و به‌دواداچوونى گونجاو بۆ چاره‌سه‌ركردن و دۆزینه‌وه‌ی رێگه‌چاره‌ى كێشه‌كانیان بكرێت له‌پێناو پێشخستنی پرۆسه‌ی په‌روه‌رده‌ و فێركردن له‌ ده‌ڤه‌ری مه‌خموور و قه‌راج و كه‌ندێناوه‌ و گوێرِدا.